先看看DAY 1吧, 但我不保證DAY 2 3 4 5能順利出世XDDDD

日本就去了不少次, 但由我自己從頭到尾規劃的倒是第一次

這要感謝我有一份由朝坐到晚沒事做的工作, 才有這麼多時間去plan!

Day 1

我們坐的是香港航空, 9:30起飛2:00到達

結果我們到達位於天王寺的民宿的時間竟然是5:30……

出關很順利, 好像就只有我們一班機到達, 行李也只等了一會兒就拿到了

然後我們在機場有3個很重要的東西要買

1. 1.       HARUKA+ICOCA
2. 2.       嵐山觀光火車預購票
3. 3.       海游館+大阪地鐵1 DAY PASS

因為事先沒有看機場地圖, 大安旨意覺得去到就會看到, 實在太天真了!

於是在找路上面花了點時間, 走了冤枉路, 又因為肚子餓去了便利店

找到JR, 排隊排了好久, 買票也買了好久, 買完之後發現海遊館的PASS要走回頭XDDD

JR售票處

終於到了月台, 又很迷失, 因為看到有一架車在上客, 但又有一大堆人在排隊

後來發現排的是HARUKA, 上客的是関空快速, 然後好迷失到底関空快速能不能到天王寺??

因為HARUKA的班次還有一段時間, 所以我們選了較慢的関空快速, 心想與其在這乾等, 不如上車坐坐看看風景

不過関空快速....還真的挺慢的! 哈哈!

好不容易終於到天王寺了, 我們卻在天王寺站內又迷失了! HAHAHA!!

原因是我們下車的是JR線, 但我們要找的出口在御堂筋線那邊, 然後在JR的站找不到那個出口的指示牌......orz

最後我也不記得為什麼找到了, 總之就一額汗......

找到出口之後, 因為我事前已經在GOOGLE MAP自己走過幾次, 所以知道怎麼走(GOOGLE MAP真的是神發明!)

有驚無險從機場到了民宿, 放好了東西後, 就直接出去了!

第一天本來就沒什麼行程, 就是到處逛逛

我們瘋狂的由難波站一直走, 走到電電城, 走到惠美須, 然後坐地鐵回去心斎橋

為什麼去電電城? 是想和友人找尋相機配件, 結果走了一整條大街都沒找到-3-

最後還是去了big camera, 但種類真的不多, 價格也不怎麼便宜

所以就只買了一點點, 腳架只是來的時間居然忘了帶, 所以臨時買下的

之後再去了道頓掘吃東西

這家章魚燒是半熟的, 餡不算多, 但最正的地方在於他的所有醬和木魚碎是自助的, 想要多少都可以!

光是這點我們都已經high了! 所以我吃到的味都是醬汁味, 別問我好不好吃, 我倆都吃得很滿足就是了~~~

吃完之後, 逛了一下心斎橋, 店都開始關了, 所以打算走人, 在難波的地下街逛了一下藥妝店, 就回去了

沒想到心斎橋的店8點多都開始關門, 還以為會像香港旺角一樣開到9點10點呢

每次來日本都做的事, 就是回去前到便利店買布丁! 呵呵

關於PASS

HARUKA+ICOCA(來回￥4060, 單程￥3030)

https://www.westjr.co.jp/global/tc/travel-information/pass/icoca-haruka/

包含:

1.  HARUKA(單程或來回)車票
2.  ICOCA卡(八達通)及內含￥1500儲值

我買這個PASS的原因

1. 我們大阪住宿在天王寺, 不管是HARUKA或是関空快速都有天王寺站, 很方便

2. 雖然我的行程是大阪入, 京都出, 但HARUKA京都à機場, 單程就已經￥3160

3. 包含ICOCA卡加￥1500儲值, 本來就會買, 太方便

整個套票是這個樣子的:

之前有研究過另一個PASS, 就是南海電鐵的 大阪出張きっぷ(￥1500)

這個其實也很值得買, 但因為我住天王寺, 所以南海電鐵的話要轉車, 沒那麼方便

如果你住難波, 買這個很perfect啊!

南海電鐵的大阪出張きっぷ(￥1500)
http://www.nankai.co.jp/traffic/otoku/trip

包含:

1.       関西空港-->難波 車票(沒有回程)

2.       一日無限搭大阪市交通局：全線(地下鉄・ニュートラム・バス全線)

 地下鉄・ニュートラム有效區間http://www.nankai.co.jp/var/rev0/0002/0530/subway_no_20131221.pdf

3.       巴士有效區間http://www.nankai.co.jp/var/rev0/0002/0531/20140401bus_rosenzu.pdf

嵐山觀光火車(嵯峨野観光鉄道/嵯峨野トロッコ列車)預購票

跟HARUKA+ICOCA一樣是在JR服務處買的,

排隊的時候就已經有個白板寫上每天預購票的出售情況, 像是我們那天11月29日到達, 看見往後幾天的票有7成都是X了, 就是說已經售罄,

可能還算是賞紅葉期吧, 比較搶手, 所以說如果是旺季, 最好一到埗就先在機場預購好, 不然去到才發現想坐的班次沒位了, 可能要坐到很不順行程的班次了。

海游館+大阪地鐵1 DAY PASS

如果閣下有打算去海游館, 可以考慮買這個PASS

但如果閣下同時有買上面南海電鐵的 大阪出張きっぷ就要注意, 你有沒有2天時間在大阪可以用到2張大阪地鐵DAY PASS呢?

上年買左兩棵WWF baby trees, 一棵送俾陳生做生日禮物, 一棵俾自己

話咁快, 就3個月喇, 佢已經漸漸地迫爆左個小小膠筒

其實見到佢時, 我已經諗緊要時到底係點拆佢出黎架呢?.?
結果我都係要出動到cutter撬開佢, 又怕失手整爛佢wor

終於釋放! 要同住左幾個月既膠筒講bye bye喇!
不過我仲未為佢準備新屋企.......佢要露宿街頭幾日lol

好耐冇UPDATE喇! 因為返工之後既生活實在太充實…

充實到屋企似宿舍, 淨係用黎沖涼同訓覺—▽—

充實到陳生投訴話成日約我唔到◎▽◎

忙D咩? 學日文, 學化妝SET頭, 二月再學埋車, 其實我真係有十萬樣野想學

雖然放工好多節目, 但感恩呢份工係五天工作返九放五半又冇咩OT,

而且返工冇咩野做(到得閒打BLOG), 所以放工都尚有精力

之前既新娘化妝課程告一段落, 基本野都學左, 係需要點練習

上星期開始左新娘髮型, 買左個MARY頭返屋企慢慢練XDDD

其實整頭真係幾好玩, 不過我覺得做一日新娘D頭髮應該唔要得……..一定傷晒

琴晚練頭:

淨係學左一堂, 第一次自己SET, 都算係咁啦呵呵

(其實我琴晚練練下經為自己幫緊個真人整頭-0- 係我太投入定係MARY太逼真呢? 哈哈)

想去大澳想左好耐, 講左好多次話去, 今次終於去得成!

11點半從家中出發, 去到東涌都差不多1點
然後順道在outlet跟陳生添置了點衣服, 再去food court食埋lunch, 就去搵車入大澳
車費$11.8, 都幾貴架wor......

去到見都唔少人等緊, 好彩有位坐, 原來係有企位! 如果企成個鐘仲要山路都幾辛苦
當時就見到有個外國人要企, 佢又高到企唔直, 都幾慘
坐左1個鐘車左右, pat pat都坐到痛lol 終於到左總站大澳喇!! 已經3點幾hahaha
我同陳生一向去玩都係悠閒派, 幾點出發隨心, 只求一齊去一d地方, 唔在乎玩唔玩得晒d野

一落車就有人拉客出海睇海豚, $20一個, 20分鐘, 不過我地冇睇

之後緊係影影影

今日應該係超好日子! 見好多人都去飲, 我屋企人都去飲

是日OUT JOB地點係銅鑼灣, 香港島對我黎講真係萬里長征呀......
不過好彩皇室堡我係識去既, 省卻了搵路既時間

話說今日我負責化兩位親戚, 時間都頗為緊迫, 3點3開始化, 4點半前要完成2位化妝+set頭(set頭部份missie負責)
上次既out job算係casual dinner, 今次見識到一般婚禮擺酒係幾咁多野搞!

一開始化都冇咩野, 不過一路化, 間新娘房就越來越多人lol (補妝呀換衫呀問野呀拎野呀...etc)
化緊第二位時, 我直情攝唔到去拎我需要既工具.......耽誤了不少時間
一路化一路好著急, 成日望錶好驚化唔切! 但我又真係冇辦法T_T
不過好在最後都趕在4點半完成晒, 不過間房又多人到我同missie完全執唔到野XD

今次既實戰經驗很好! 深深體會到出去化同埋係workshop度慢慢化真係好唔同
有好多限制, 好多有變數, 我都只能盡力做好自己, 要識執生
而且平時上堂既models們都係任我魚肉, 但出到去, 客人好多時都會對個妝容有好多意見

最後, 再一次好佩服我missie, 因為佢set個頭真係好靚!
其實今日好想幫客人影返張相留為紀念同參考
但一來我怕醜唔敢開口, 二來佢地真係好忙好趕場面好混亂, 我驚阻住佢地
下次有機會, 真係好希望可以影低每一位我化過既人呀, 到若干時間後, 我一定要睇到有所進步:P

化完又搭返一個鐘鐵返屋企, 仲要全程冇位坐:(
搵男人食完飯返屋企洗完掃沖完涼頂唔順都訓左陣, 男人叫醒我果陣我真係攤係張床度完全郁唔到LOL

不過勞動完係特別想食甜野既!
於是我忍唔住整返個心太軟黎食下

最近成日食肥野, 再係咁落去, 我應該好快就肥返! =-=|||

之前全部化妝品都係用兩個細細地既化妝袋裝住, 其實都full晒, 又好難搵野
又諗到第時如果出去幫人化, 都係買返個化妝箱方便好多!
於是就淘寶物色下喇!

本身想買d好似咁既:

望落pro d嘛!
不過睇真d, 閒閒地淨係個箱都1-2kg =口=
洗唔洗咁重!? 而且總覺得呢種唔多耐用
最後都係決定買返d布造既

呢個款我好鍾意, 平實簡單得黎又有少少花紋(我個人係咁煩, 又要特別又唔想誇張)

容量比我想像中還要大

呢塊鏡, 好重...而且好似幾廢

於是我剪左佢落黎XDDD

執下執下, 原來我有10枝eyeliners lol
由我中學貪玩好奇買黎玩下, 到最近認真學, 原來已經10年
平均一年一枝, 唔過份jeh...haha
但其實大部份都冇用好耐, 亦唔打算再用, 只係唔捨得掉-3-
e+都係用3CE+kissme, 因為呢個combination用係我呢個溶妝眼既人身上都keep到成日唔會變熊貓眼

小物如眼影腮紅我就搵左個小袋裝起再放入大化妝箱, 咁就唔怕散收收搵唔到啦!


本身以為自己有好多野既我, 執完之後發現竟然仲有咁多空位!!!!
搞到我又心思思想買新野黎試, 總之好想裝滿個箱!(都唔知係咩心態=v=)
不過都係得諗字, 因為最重要既係我冇錢買........................

淘得寶, 又點會只係買一樣野咁浪費郵費!?
果個箱只值rmb35, 運費都rmb32啦! 雖然加埋都係好抵,
不過人就係咁, 覺得咁樣好唔抵, 於是又俾多d錢黎買d本身唔係必要既野(￣▽￣);;
於是就買左呢個收納袋, 用黎放d skin care, 好fit!
整齊左, 又一目了然唔會搵唔到, 第日抹台只需一下拎起個袋就得, 方便得多!!

呢篇blog, 好似係度幫淘寶賣廣告咁.......

琴日出完job, 今日真係周身痛-0-, 條腰酸酸地, 醒起屋企係有個按摩器!
個按摩器係之前家姐既信用卡迎新禮品黎
我唔知咩牌子, 不過好似叫咩熱石小枕頭?
好舒服架, 有d熱力按起上黎覺得舒緩好多!
不過呢兩日雖然涼左, 如果一直開住熱按功能好鬼熱!
當我投訴按到好熱啊~~~~~既時候, 家姐話我知原來係可以熄左個發熱功能XDDDDD

舒服係好舒服, 不過上次按得太爽, 按完又按(佢一個section 20分鐘, 會自動停, 不過佢停我又開返LOL)
按得太耐或者挨得太埋係會仲痛既XDDD

BUT ANYWAY我覺得呢舊野好好玩又好好用hahahahaha

今日第一次出job，真係好多謝missie俾呢個機會我！

我唔知幾多年冇著到全身黑色咁出街，大熱天時真係好吸熱－３－


今日既工作係化奶奶同媽媽
平時化開都係後生細女，所以今次都有少少擔心應付唔到架
而一如missie所講，通常媽咪對眼係要d技巧‥‥‥

今次我俾自己60分，合格多少少啦
化媽咪時過晒時，之後化奶奶就好趕，好彩奶奶份人幾隨和同埋都想個妝清清地就得
而且我夾眼睫毛同痴假眼睫毛既技巧都有待改善，平時痴年輕人冇問題，痴媽媽就出晒事(。┰ω┰。)

anyway今日係一個好好既經驗呀！
希望日後有更多機會學下野啦
同埋今日見到missie實戰，覺得佢好勁呀！
一來個妝化得好靚啦，
二來我專心化緊奶奶時，轉眼間佢就幫新娘set埋個靚頭！真係快到呢‥‥‥
我都想有一日可以好似missie咁叻呀！

missie好好俾機會我學野仲俾返車馬費我，另外新娘子仲醒左封利是，雖然唔係多錢但好開心

由兩點半開始化，到走果刻都五點，missie問我攰唔攰，果陣仲好口響咁話唔攰架！
不過上左地鐵冇耐就開始攰~~~~~~~~~~~~~~~~~~~~~~~~~~~~
食飯果陣就開始瘋狂放蚊-_-""""

返到屋企仲要幫我班兵團洗白白
跟左幾個鐘就咁攰，如果係跟全日plan會點(￣▽￣)
不過係開心既！

件袍早在9月10日已經可以拎，不過中環咁‥‥‥‥‥‥‥‥‥遙遠，所以拖到前日先去拎LOL
訂果陣又冇落訂，連電話都唔洗留，淨係留左姓乜同咩學校咩科，幾驚佢放太耐以為我唔要

好啦，講完廢話，講返件袍
整袍叔叔都幾好，教埋我點著
度身果陣前後唔洗五分鐘，拎袍前後都係唔洗五分鐘，哈哈

正面


背面


其實個HOOD係唔係咁用LOL


加埋打算到時著係入面既裙，其實如果扣埋件袍，係根本著乜都唔會睇到=_=|||||


同埋我覺得件袍好大好長，著落覺得好重，我諗到時著半日都應該幾攰！

其實件袍既手工就一般啦，D線頭有D都飛出黎，同埋前面個扣都釘得唔夠實
如果唔再釘下應該好快就成個甩出黎，其他都OK啦，相比起澳洲租袍既價錢我覺得好值！
而且係香港都可以周圍同香港既朋友影相嘛＼（＠￣∇￣＠）／

題外話，果日去拎完袍之後，同友人W去左中環一間樓上CAFE

一世都係叫latte的就是我‥‥‥


cappuccino，係我最愛既笑笑！

話說係澳洲愛上飲咖啡既我，返到香港之後好唔開心，因為沖得好既咖啡店實在少之又少！（特別係我呢頭）
今次去呢間我都幾鍾意，講咖啡就算唔錯啦，如果用澳洲既standard‥‥‥不過係香港黎講已經算十分好
但我鍾意佢既環境，俾到我一種好舒服既感覺，坐得好舒服
不過我竟然唔記得影相！
其實我諗我都冇咩機會再去，因為對我黎講實在係太遠了

對唔住，我要投放閃光彈，唔想睇既唔好睇，八卦就唔好投訴我太閃！XDDD

每年都會打篇野紀念下，今年都唔例外，只係平台唔同左

今年係我地拍拖五年第一次一齊過｡◕‿◕｡
其實陳生最近好忙，我都唔太敢打擾佢，不過係佢主動話要出一晚街既！
可能好多人覺得周年要抽時間慶祝係理所當然，我亦唔係話對呢日冇期待
但點都好啦，我覺得係呢一日，大家都為對方費盡心思，開開心心拍下拖，想下當年，計劃下將來，
紀念一下呢個里程碑然後繼續珍惜著對方走下去，係一件好幸福既事情，更加唔係必然既事！
所以為此真係覺得好感恩:)
見到陳生呢一晚都咁開心，我知道佢會覺得呢幾個鐘運用得比讀書更值得，所以我更開心


直覺話我知呢份禮物唔平，不過已為sunk cost，我只會欣賞它的美，真心，好鍾意好鍾意！
更因為你咁忙都周圍撲我份禮物，心意已值100分
仲有唔理幾忙都有一張寫得密密麻麻既卡，文字，一直都係our style!

我想話，我地過周年，竟然連合照都唔記得影....................orz
唔緊要啦，大家睇得出我地係一齊過啦可！XDDDD

我承認我成日都晒恩愛，不過其實我地同一般情侶冇分別，都有過唔開心既時間
特別係year 3時，唔知搞咩我去左澳洲幾年都冇事，偏偏最後一年成日都好homesick......
可能係因為讀書壓力大，成日都好唔開心，而陳生既壓力都爆燈，呢段時間，我地之間有長達幾個月既不愉快

幾年間，我地有幾次幾乎分手，每一次站係危機面前，我都覺得呢d問題根本冇可能解決得到
依家回望過去，覺得一切都好神奇，亦明白到只要雙方都肯認真面對問題，肯為對方改變，其實沒有所謂解決唔到既問題
我明白LONG DIS既我地挑戰更大，所以我同自己講，就算要分手，都要見住面咁講
我曾經打算返到香港就分手，但當我一見返佢，我就唔想分手了
唔經唔覺，就過左四年幾，完成左我地四年幾分隔兩地既愛情，開始新既一頁
（雖然講開long dis，係流流地既，因為我一年有3-4個月都係香港出現LOL）

太肉麻既野唔係度講喇，總之好多謝你陪我渡過呢二十分之一個世紀(´ ▽｀).。ｏ♡

最後，我想講因為拍拖，更令我明白有好多野都係無能為力
太多令我諗唔明既野，我唯有賴晒落神度啦！
感謝神令我地相遇，識我地耐少少既人都知我地兩個會拍拖本身已經係個神跡LOL
感謝神當中俾左好多試鍊我地，每次諗返轉頭都覺得實在太巧妙
好多感觸，一切都因為覺得神既作為真係好奇妙，已經唔知講咩好，所以我收聲喇
BYE BYE(￣▽￣)ノ