ForForForest

大大話話都有四年冇在港過中秋了!
今年食左好多我至愛既月餅! 仲好鄉下出城咁第一次食到紅豆月餅同奶黃月餅lol
原來紅豆月餅都好好味架! 有少少冷落左我一直以來最鍾意既蓮蓉tim haha!

今年中秋係屋企食過晚飯後, 就閃左去拍拖XD
中秋節夜晚出街, 係會狂撞到熟人既! 行一行新港城同海旁都撞到三個@@

話說陳生買左個燈籠俾我, 原意係想我好低能咁拎住佢周街行等我俾人笑
不過我一見到minionヽ(*≧ω≦)ﾉ
超級開心! 不過如果佢唱既係banana song咁就perfect喇! hahahaha
結果係我好開心拎住個低b燈籠, 完全唔理外人目光, 但係佢覺得真係好低能頂唔順要收埋佢lol

*我發現自己有愈來愈低能既傾向

話說我病左兩個幾星期, 真係病到虧晒
行幾行又要停低坐下咁, 體力同腳骨力都大不如前
到底我以前係如何來回跑完全條海濱長廊? 如今我慢慢行都冇氣...........................

行下行下居然行到成點, 食埋雞粥先返屋企
真係超級滿足(*≧▽≦)

返到屋企, 繼續對住我個小燈籠傻笑
我開俾波波睇, 波波見到佢呆左咁望住佢, 真係笑死我XDDDD

今年過左一個好滿足好開心既中秋
有月餅食, 有屋企人, 有男朋友, 有熱鬧同好有氣氛既街道, 仲有燈籠!

估唔到今次都算病得幾犀利......
上星期二晚開始發燒, 之後愈咳愈厲害, 睇完醫生食左藥仍然咳到喊, 夜晚成日咳醒, 咳到成身濕晒T_T
到前晚一訓低就狂咳+透唔到氣, 要坐起身先透到氣, 好多次想試下再訓低, 都係唔得...
最後我放棄, 就咁就坐左成晚, 咳足成晚, 冇訓過-_-
都好既, 有幾可我會見到清晨既天空.......................

等到8點半, 睇開果間診所開門, 就衝左落街再睇醫生, 都等到9點半先有得睇
醫生話氣管敏感, 都唔係第一次, 不過今次應該係最嚴重既一次
琴日我都仲叫講到野, 但世估唔到, 食完藥已經覺得好好多既我, 今日居然玩失聲

幾年係外國病左都要自生自滅既生活, 其實好慘架
今次雖然好辛苦, 不過成家人都好關心我, 呀媽煲粥俾我食, 家姐對我都零舍好過平時, 呀麻就煲涼茶(雖然我唔敢亂飲)
陳生鬼咁忙又要冒住被傳染既風險都抽左一日黎探我, 仲買外賣俾我, 雖然最後都係我訓覺佢溫書XD
我真係好幸福呀!

小事一則:
話說我睇完醫生, 懶醒+貪方便買左個雞尾包返屋企諗住送藥食
點知一食就咳到痴線, 最後食左1/3個我就放棄左.........
呀媽見我咁慘食唔到包, 就提議煲粥俾我食
又清又甜又潤喉, 真係好正 <3

媽咪靚粥, 超好味!

希望快D好返啦, 我已經MISS左兩堂日文:(

九月第一個星期一, 又到了香港學生們開學的日子
我回來不多不少, 已經兩個月, 找工作也找了一個多月
以fresh grad計, 一個多月沒找到工作其實也挺普遍, 加上父母也沒有給我什麼壓力
不過見過幾份工作, 都沒有回音, 是有點開始懷疑自己的能力, 還有值多少薪水呢?

明天又有面試了, 種種原因令我認為成功的機會不大
但我還是會全力以赴, 萬一成功了真的可喜可賀, 不行也沒關係, 繼續努力終有一天會找到!!!!!!

唔知係好彩定唔好彩, 開左之前個blog未夠半個月, 今日諗住update下, 點知見到話個網站要執笠

咁我唯有搬家啦.........

早兩日上網搵關於整畢業袍既野, 加上之前收集過數位朋友既情報, 得出"好可能全香港得一間造UNSW畢業袍"既結論....

琴日見出開去, 就順便去造啦! 

即係咁, 去到個大廈發現唯一一部lift竟然.........壞左-.-

好彩, 6樓, 唔算太高.........如果係16樓, 我萬里長征過埋海黎到, 真係行唔行都喊出黎

好, 講返正題

入到去, 我話想做新南威爾斯大學既畢業袍, 講果下先醒起唔記得帶張畢業袍details(即係有色碼果份)

好彩佢做慣做熟, 而且BCom應該好多人黎造, 所以佢完全冇問過咩色咩款

跟住度身啦, 朋友唔提我都唔記得問幾錢XDDD
$700一套, 好抵!!
我唔係有錢到視$700如浮雲, 只係UN$W租袍收費太過份, AUD$100(~HKD$7XX)租得果3粒鐘!@#$%^&*(
$700擁有成世vs.AUD$100三個鐘, 相對黎講係唔係抵到暈先!?
買左仲可以返香港同我親愛既朋友影到夠真係諗起都覺得爽

就係咁, 用左前後不到5分鐘, 完成訂袍程序, 訂金都唔洗落, 10SEP就有得拎啦啦啦ヽ(*≧ω≦)ﾉ

等我拎完袍返黎報告下啦!

屋企無啦啦多左幾十盒東海堂冰皮月餅, 我都只好唔整冰皮住啦
唔係我真係食到下年都未食得完......
冇得整冰皮月餅, 我暫時未諗到整咩好
唯有, 拎我最拿手既呢樣野出黎呃下post hahahahaha
 

木糠布甸係我第一款學識既甜品, 其實可以話係佢令我鍾意整野食
當年係中學有次家教會活動教整木糠布甸, 我先至發現原來整甜品可以咁簡單!!

不過以前屋企冇攪拌機, 用最原始方法整餅碎:
"放D餅入袋, 搵水樽/麵粉棍壓碎D餅"
但整過既人都知啦, 真係好費工夫!

之後我發現有另一個方法---刨
真係方便快捷架, 而且刨出黎既餅碎比較幼細 

~~~以下係食譜同做法~~~

*別問我點解整出黎唔似出面果d咁樣顏色咁靚咁吸引
 我只會話好食就得啦!!!︿(￣︶￣)︿
 
整野食呢家野, 唔整唔整, 一整真係會上癮停唔到
話說琴晚用剩左d綠豆蓉, 琴晚訓唔著, 係咁諗用黎整咩口味好
第一樣諗到當然係朱古力啦! 因為我係朱古力甜品控
不過, 我身邊既人對朱古力整既野其實都冇乜興趣........
而且屋企好似冇朱古力, 滿足唔到我呢個一諗起就想立刻做既人
諗呀諗, 諗起屋企有樽cranberry and blueberry jam! 就整紅莓藍莓餡啦!!!


就是呢支>>>>>



其實做法簡單到我覺得自己直頭打黎呃post XDDDDDDD
 
做法:

1. 將適量豆蓉(我用左大概50g啦, 兩個冰皮左右既份量)放入熱平底鑊, 加少許菜油
2. 逐少加入果醬, 我係邊炒邊逐茶匙落, 前後我約落左3-4 tsp既果jam, 
    你可以因應自己喜歡既口味調節, 
*注意所有野都係雪凍後會顯淡, d餡都唔例外,所以如果你開始覺得太濃味, 雪凍左就差唔多架喇!
 
係咪好簡單呢!? 咁我就呃完一個post喇

 仲有一個月就中秋節喇! 其實我好期待, 因為我已經有4年冇係香港過中秋!
我由細到大都好鍾意中秋節架! 因為又可以同屋企人朋友去公園賞月, 又可以玩燈籠玩蠟燭
最重要既係我好鍾意食月餅架!!! 我懷疑係因為以前食得太多月餅, 搞到我咁肥╮(╯▽╰)╭
中學時我早餐食半個, 放學返屋企下午茶食半個, 一日就食左一個雙黃白蓮蓉
即係我一星期就食左1.5盒月餅, 一個中秋單係我一個人就食1,2盒!!（⊙ｏ⊙） 目瞪口呆
依家諗返起真係覺得超級誇張..............................................................

回到正題, 無啦啦整冰皮, 係因為屋企人最近買左唔少冰皮返屋企
食係好食呀, 但人大左, 講求健康(其實係怕肥!)
一食覺得好甜! 而且出面買都幾貴嘛
諗起以前CCF都有整過冰皮月餅, 並唔難, 就上網搵下食譜啦!

參考了以下兩個食譜:
http://jacso.hk/chuiwa2010/56895/2011/08/14/357584
http://www.wretch.cc/blog/MrsBlackCat/23756766

 
 冰皮材料:
 

 
           
        
        
           
           
          
              

*椰漿同奶可隨意加減, 只要加埋約為170g就可以了
 視乎你想唔想多椰汁味, 同埋多d椰漿個皮會白d
*菜油最好用芥花子油葵花子油等無異味油類, 避免用橄欖油
 
綠豆蓉材料:

做法如下: