ForForForest

上年買左兩棵WWF baby trees, 一棵送俾陳生做生日禮物, 一棵俾自己

話咁快, 就3個月喇, 佢已經漸漸地迫爆左個小小膠筒

其實見到佢時, 我已經諗緊要時到底係點拆佢出黎架呢?.?
結果我都係要出動到cutter撬開佢, 又怕失手整爛佢wor

終於釋放! 要同住左幾個月既膠筒講bye bye喇!
不過我仲未為佢準備新屋企.......佢要露宿街頭幾日lol

琴日出完job, 今日真係周身痛-0-, 條腰酸酸地, 醒起屋企係有個按摩器!
個按摩器係之前家姐既信用卡迎新禮品黎
我唔知咩牌子, 不過好似叫咩熱石小枕頭?
好舒服架, 有d熱力按起上黎覺得舒緩好多!
不過呢兩日雖然涼左, 如果一直開住熱按功能好鬼熱!
當我投訴按到好熱啊~~~~~既時候, 家姐話我知原來係可以熄左個發熱功能XDDDDD

舒服係好舒服, 不過上次按得太爽, 按完又按(佢一個section 20分鐘, 會自動停, 不過佢停我又開返LOL)
按得太耐或者挨得太埋係會仲痛既XDDD

BUT ANYWAY我覺得呢舊野好好玩又好好用hahahahaha

件袍早在9月10日已經可以拎，不過中環咁‥‥‥‥‥‥‥‥‥遙遠，所以拖到前日先去拎LOL
訂果陣又冇落訂，連電話都唔洗留，淨係留左姓乜同咩學校咩科，幾驚佢放太耐以為我唔要

好啦，講完廢話，講返件袍
整袍叔叔都幾好，教埋我點著
度身果陣前後唔洗五分鐘，拎袍前後都係唔洗五分鐘，哈哈

正面


背面


其實個HOOD係唔係咁用LOL


加埋打算到時著係入面既裙，其實如果扣埋件袍，係根本著乜都唔會睇到=_=|||||


同埋我覺得件袍好大好長，著落覺得好重，我諗到時著半日都應該幾攰！

其實件袍既手工就一般啦，D線頭有D都飛出黎，同埋前面個扣都釘得唔夠實
如果唔再釘下應該好快就成個甩出黎，其他都OK啦，相比起澳洲租袍既價錢我覺得好值！
而且係香港都可以周圍同香港既朋友影相嘛＼（＠￣∇￣＠）／

題外話，果日去拎完袍之後，同友人W去左中環一間樓上CAFE

一世都係叫latte的就是我‥‥‥


cappuccino，係我最愛既笑笑！

話說係澳洲愛上飲咖啡既我，返到香港之後好唔開心，因為沖得好既咖啡店實在少之又少！（特別係我呢頭）
今次去呢間我都幾鍾意，講咖啡就算唔錯啦，如果用澳洲既standard‥‥‥不過係香港黎講已經算十分好
但我鍾意佢既環境，俾到我一種好舒服既感覺，坐得好舒服
不過我竟然唔記得影相！
其實我諗我都冇咩機會再去，因為對我黎講實在係太遠了

對唔住，我要投放閃光彈，唔想睇既唔好睇，八卦就唔好投訴我太閃！XDDD

每年都會打篇野紀念下，今年都唔例外，只係平台唔同左

今年係我地拍拖五年第一次一齊過｡◕‿◕｡
其實陳生最近好忙，我都唔太敢打擾佢，不過係佢主動話要出一晚街既！
可能好多人覺得周年要抽時間慶祝係理所當然，我亦唔係話對呢日冇期待
但點都好啦，我覺得係呢一日，大家都為對方費盡心思，開開心心拍下拖，想下當年，計劃下將來，
紀念一下呢個里程碑然後繼續珍惜著對方走下去，係一件好幸福既事情，更加唔係必然既事！
所以為此真係覺得好感恩:)
見到陳生呢一晚都咁開心，我知道佢會覺得呢幾個鐘運用得比讀書更值得，所以我更開心


直覺話我知呢份禮物唔平，不過已為sunk cost，我只會欣賞它的美，真心，好鍾意好鍾意！
更因為你咁忙都周圍撲我份禮物，心意已值100分
仲有唔理幾忙都有一張寫得密密麻麻既卡，文字，一直都係our style!

我想話，我地過周年，竟然連合照都唔記得影....................orz
唔緊要啦，大家睇得出我地係一齊過啦可！XDDDD

我承認我成日都晒恩愛，不過其實我地同一般情侶冇分別，都有過唔開心既時間
特別係year 3時，唔知搞咩我去左澳洲幾年都冇事，偏偏最後一年成日都好homesick......
可能係因為讀書壓力大，成日都好唔開心，而陳生既壓力都爆燈，呢段時間，我地之間有長達幾個月既不愉快

幾年間，我地有幾次幾乎分手，每一次站係危機面前，我都覺得呢d問題根本冇可能解決得到
依家回望過去，覺得一切都好神奇，亦明白到只要雙方都肯認真面對問題，肯為對方改變，其實沒有所謂解決唔到既問題
我明白LONG DIS既我地挑戰更大，所以我同自己講，就算要分手，都要見住面咁講
我曾經打算返到香港就分手，但當我一見返佢，我就唔想分手了
唔經唔覺，就過左四年幾，完成左我地四年幾分隔兩地既愛情，開始新既一頁
（雖然講開long dis，係流流地既，因為我一年有3-4個月都係香港出現LOL）

太肉麻既野唔係度講喇，總之好多謝你陪我渡過呢二十分之一個世紀(´ ▽｀).。ｏ♡

最後，我想講因為拍拖，更令我明白有好多野都係無能為力
太多令我諗唔明既野，我唯有賴晒落神度啦！
感謝神令我地相遇，識我地耐少少既人都知我地兩個會拍拖本身已經係個神跡LOL
感謝神當中俾左好多試鍊我地，每次諗返轉頭都覺得實在太巧妙
好多感觸，一切都因為覺得神既作為真係好奇妙，已經唔知講咩好，所以我收聲喇
BYE BYE(￣▽￣)ノ

大大話話都有四年冇在港過中秋了!
今年食左好多我至愛既月餅! 仲好鄉下出城咁第一次食到紅豆月餅同奶黃月餅lol
原來紅豆月餅都好好味架! 有少少冷落左我一直以來最鍾意既蓮蓉tim haha!

今年中秋係屋企食過晚飯後, 就閃左去拍拖XD
中秋節夜晚出街, 係會狂撞到熟人既! 行一行新港城同海旁都撞到三個@@

話說陳生買左個燈籠俾我, 原意係想我好低能咁拎住佢周街行等我俾人笑
不過我一見到minionヽ(*≧ω≦)ﾉ
超級開心! 不過如果佢唱既係banana song咁就perfect喇! hahahaha
結果係我好開心拎住個低b燈籠, 完全唔理外人目光, 但係佢覺得真係好低能頂唔順要收埋佢lol

*我發現自己有愈來愈低能既傾向

話說我病左兩個幾星期, 真係病到虧晒
行幾行又要停低坐下咁, 體力同腳骨力都大不如前
到底我以前係如何來回跑完全條海濱長廊? 如今我慢慢行都冇氣...........................

行下行下居然行到成點, 食埋雞粥先返屋企
真係超級滿足(*≧▽≦)

返到屋企, 繼續對住我個小燈籠傻笑
我開俾波波睇, 波波見到佢呆左咁望住佢, 真係笑死我XDDDD

今年過左一個好滿足好開心既中秋
有月餅食, 有屋企人, 有男朋友, 有熱鬧同好有氣氛既街道, 仲有燈籠!

估唔到今次都算病得幾犀利......
上星期二晚開始發燒, 之後愈咳愈厲害, 睇完醫生食左藥仍然咳到喊, 夜晚成日咳醒, 咳到成身濕晒T_T
到前晚一訓低就狂咳+透唔到氣, 要坐起身先透到氣, 好多次想試下再訓低, 都係唔得...
最後我放棄, 就咁就坐左成晚, 咳足成晚, 冇訓過-_-
都好既, 有幾可我會見到清晨既天空.......................

等到8點半, 睇開果間診所開門, 就衝左落街再睇醫生, 都等到9點半先有得睇
醫生話氣管敏感, 都唔係第一次, 不過今次應該係最嚴重既一次
琴日我都仲叫講到野, 但世估唔到, 食完藥已經覺得好好多既我, 今日居然玩失聲

幾年係外國病左都要自生自滅既生活, 其實好慘架
今次雖然好辛苦, 不過成家人都好關心我, 呀媽煲粥俾我食, 家姐對我都零舍好過平時, 呀麻就煲涼茶(雖然我唔敢亂飲)
陳生鬼咁忙又要冒住被傳染既風險都抽左一日黎探我, 仲買外賣俾我, 雖然最後都係我訓覺佢溫書XD
我真係好幸福呀!

小事一則:
話說我睇完醫生, 懶醒+貪方便買左個雞尾包返屋企諗住送藥食
點知一食就咳到痴線, 最後食左1/3個我就放棄左.........
呀媽見我咁慘食唔到包, 就提議煲粥俾我食
又清又甜又潤喉, 真係好正 <3

媽咪靚粥, 超好味!

希望快D好返啦, 我已經MISS左兩堂日文:(

九月第一個星期一, 又到了香港學生們開學的日子
我回來不多不少, 已經兩個月, 找工作也找了一個多月
以fresh grad計, 一個多月沒找到工作其實也挺普遍, 加上父母也沒有給我什麼壓力
不過見過幾份工作, 都沒有回音, 是有點開始懷疑自己的能力, 還有值多少薪水呢?

明天又有面試了, 種種原因令我認為成功的機會不大
但我還是會全力以赴, 萬一成功了真的可喜可賀, 不行也沒關係, 繼續努力終有一天會找到!!!!!!

唔知係好彩定唔好彩, 開左之前個blog未夠半個月, 今日諗住update下, 點知見到話個網站要執笠

咁我唯有搬家啦.........

早兩日上網搵關於整畢業袍既野, 加上之前收集過數位朋友既情報, 得出"好可能全香港得一間造UNSW畢業袍"既結論....

琴日見出開去, 就順便去造啦! 

即係咁, 去到個大廈發現唯一一部lift竟然.........壞左-.-

好彩, 6樓, 唔算太高.........如果係16樓, 我萬里長征過埋海黎到, 真係行唔行都喊出黎

好, 講返正題

入到去, 我話想做新南威爾斯大學既畢業袍, 講果下先醒起唔記得帶張畢業袍details(即係有色碼果份)

好彩佢做慣做熟, 而且BCom應該好多人黎造, 所以佢完全冇問過咩色咩款

跟住度身啦, 朋友唔提我都唔記得問幾錢XDDD
$700一套, 好抵!!
我唔係有錢到視$700如浮雲, 只係UN$W租袍收費太過份, AUD$100(~HKD$7XX)租得果3粒鐘!@#$%^&*(
$700擁有成世vs.AUD$100三個鐘, 相對黎講係唔係抵到暈先!?
買左仲可以返香港同我親愛既朋友影到夠真係諗起都覺得爽

就係咁, 用左前後不到5分鐘, 完成訂袍程序, 訂金都唔洗落, 10SEP就有得拎啦啦啦ヽ(*≧ω≦)ﾉ

等我拎完袍返黎報告下啦!